一門 (已結業)

见到网上评价咁高，而我又系爱食蛋嘅人士，便到来试试。芝士玉子烧一上碟已闻到浓浓蛋香，表面富光泽，已令人食指大动！第一啖食蛋嘅部份。蛋好滑溜，入面嘅蛋浆带点流质，时间控制得好完美嘅一透熟！味道有惊喜！非一贯嘅死甜，蛋味浓，而且微甜之余带咸香。甜咸俱全，真系好正。整个玉子烧有好多蛋嘅折层，相信落咗唔少鸡蛋，一层层蛋嘅效果整得好靓（我认都几考功夫？），食落好有层次感，不单调。开始食到中间，哗，入面嘅芝士十分澎湃地汹涌出黎，芝士迷如我见到未食已十分兴奋！满满嘅芝士配上高水准滑蛋，十分好味，推荐！另外，估唔到伴碟既白萝卜蓉＋酱油都有惊喜！白萝卜蓉清甜，淋上自家自调嘅豉油，作为玉子烧嘅点缀，清新好味。平时我系一滴豉油也不沾，因为唔钟意，例如蒸鱼一般家庭／茶楼都会淋豉油，而我就唔会。不过呢个豉油竟然令我觉得好好味。东洋卷几特别既卷物。软软的班戟皮包著大量混上少许沙拉酱嘅脆卜卜蟹籽，软熟嘅牛油果（唔会太生，未够熟嘅牛油果无咁好食而且较硬身爽口，呢度嘅则软熟淋甜，细节都做得好要俾个赞），加上入味嘅鳗鱼，呢个组合配搭得好食。好钟意佢个班戟皮，软得黎富弹性，有蛋味。又一推荐！Menu玉子烧仲有原味、杂菌、河