影片
更多
2019-01-23
88 浏览
外表松脆内里软滑嘅心太软系人见人爱嘅甜品，但好多餐厅做嘅心太软都会变咗一旧实心蛋糕，更衰嘅仲要冻晒硬晒，完全唔合格！因为成日中伏嘅关系，我都好少食呢样甜品。黎到呢间系红磡嘅甜品bar，我就比个机会佢......终于！我揾到十分出色嘅心太软啦！一般心太软都系食朱古力味嘅，但好多时朱古力味嘅甜品都几甜下嘅（热嘅话甜度系会几倍增加），但其实我又唔系好中意食d 太甜嘅甜品，自己本身又中意抹茶，咁就试下抹茶心太软～抺茶心太软（$68）一眼望落去有晒拌碟装饰几靓嘅！雪糕系红豆味，抺茶配红豆好正路呀一切开个心太软...... 熔岩流出！好流心呀！！！食落去都仲系好暖好软熟，有阵阵回甘，唔会死甜，感觉上健康好多，食晒成个都好放心其实佢其实野食都几唔错架！但呢个心太软就真心推荐北海道OREO芝士千层蛋糕（$40）D crepes 唔算好薄，但味道唔错，OREO同芝士味都好浓，但又唔会抢咗大家嘅味，配合得岩岩好炸薯条配黑松露酱（$42）薯仔系我中意嘅厚切薯条仲要新鲜滚热辣岩岩炸起！就咁食d薯条已经好欢欣～黑松露酱好大兜，而且好浓味，超正！（去其他餐厅佢哋只会加少少酱系薯条面，食几条就无晒！呢到成兜上仲要咁
一般心太软都系食朱古力味嘅，但好多时朱古力味嘅甜品都几甜下嘅（热嘅话甜度系会几倍增加），但其实我又唔系好中意食d 太甜嘅甜品，自己本身又中意抹茶，咁就试下抹茶心太软～
抺茶心太软（$68）
一眼望落去有晒拌碟装饰几靓嘅！雪糕系红豆味，抺茶配红豆好正路呀一切开个心太软...... 熔岩流出！好流心呀！！！食落去都仲系好暖好软熟，有阵阵回甘，唔会死甜，感觉上健康好多，食晒成个都好放心
其实佢其实野食都几唔错架！但呢个心太软就真心推荐
北海道OREO芝士千层蛋糕（$40）
D crepes 唔算好薄，但味道唔错，OREO同芝士味都好浓，但又唔会抢咗大家嘅味，配合得岩岩好
炸薯条配黑松露酱（$42）
薯仔系我中意嘅厚切薯条仲要新鲜滚热辣岩岩炸起！就咁食d薯条已经好欢欣～黑松露酱好大兜，而且好浓味，超正！（去其他餐厅佢哋只会加少少酱系薯条面，食几条就无晒！呢到成兜上仲要咁多）
烧法国春鸡配红酒烧汁（$168）
只春鸡真系好细只！d肉好嫩滑！好欣赏佢每一样野都即叫即整，系要等少少时间，但d野仲热嘅感觉好食好多！
张贴
