上海弄堂菜肉餛飩 (已結業)

星期六中午同女友去湾仔食午餐，经佢推介后去咗上海弄堂菜肉馄饨，因为女友系常客 对呢间店嘅食物赞不绝口，而且上海菜系我钟意嘅菜式之一。店铺门外门内都好有上海菜馆风貌，环境舒适。我对餐牌嘅各种食物都好有兴趣，可惜得两个人。花雕醉鸡(凉菜)配担担面，鸡肉肉质结实，好香酒味，绝对系必点之一。担担面面质爽口，每啖都食到香浓嘅花生酱味。狮子头配菜饭，两大嚿肉丸口感松化，肉汁鲜甜好足料，菜饭有咬口唔会太油腻够清淡 。黎都上海菜馆当然要试下小笼包，皮薄馅足肉汁好鲜甜，上枱后好快已经食晒。炸银丝卷，外皮很香口，口感十足，配上炼奶更加滋味。豆沙锅饼外层做得脆口，馅料好足，味道唔会太甜。饮品方面，叫咗杯香浓既热豆浆同特饮热蜂蜜咸柠檬水，味道令人开胃。