影片
港铁湾仔站 A3 出口, 港铁铜锣湾站 A 出口
继续阅读
开饭介绍
怀旧主题沪菜馆，主打菜肉馄饨和香菇烤麸等传统上海家庭小菜。食谱秉承相传已久的上海名厨秘方，味道正宗。
继续阅读
营业时间
星期一至日
11:00 - 23:00
以上资料只供参考，请与餐厅确认详情
相关文章
呢間上海弄堂我見都幾多人食，就想同屋企人一起去試下。擔擔麵小辣，個面底本身都幾多，可以兩個人share嚟食。餛飩，餡料新鮮，肉菜比例均勻，皮唔會太厚，食落去口感比較好。小籠包夾起時唔會爛，先咬破飲湯，然後沾薑醋，好過癮。
继续阅读
去灣仔辦完事 ，四處看看找地方醫肚仔。經過這間餐廳，午餐價錢可接受，便入去了。我叫了午餐，選了上海雲吞麵。一碗有四隻雲吞，麵的份量也足夠的。先試一試這個湯頭。湯底係很清的一種，是我喜愛的。 不會鹹而夠味! 不喜歡那些混混濁濁，只有鹹味的湯。麵的質量不錯，再來嚐嚐主角雲吞。不得了!很驚喜! 能做到皮薄餡靚， 餡料嘅肉 夠新鮮，不會霉爛。餡料調味適中，吃下去感到清爽。餐飲選了酸梅湯。酸梅湯是自家製 沒有了哪種糖精嘅味道， 也是清清爽爽的。熱飲好像要加兩元。環境方面 ，餐枱放嘅位置都唔會逼嘅在 幾好坐。服務也不錯。
继续阅读
做嘢做到唔知時間... 話咁快就到左下午茶時段😅😅😅去咗依間餐廳食嘢$43 埋單，都算幾經濟～餐廳環境都幾舒適，幾新淨👍🏼👍🏼都坐得幾舒服2:30左右嘅時間到，大把位，隨便坐～今次食咗黃金排骨菜飯，另外下午茶包一杯嘢飲嘅，要左熱豆漿熱飲要加一蚊，熱豆漿都一樣。排骨，即係豬扒啦我以為叫黃金排骨，係會有鹹蛋黃⋯原來只係普通炸豬扒😅😅都幾大塊，切開咗一條條，方便食用不過咬落就有少少韌至於菜飯，同一般菜飯一樣，冇咩特別飲埋杯豆漿，簡簡單單嘅late lunch，都唔錯
继续阅读
今日人少少，突然好想飲酸辣湯，就去咗上海弄堂。裝修得都幾靚，座位唔密，算坐得舒服。同事叫咗蝦仁跑蛋，佢話個名好過引，所以叫😂😂。菜飯好靚，都算多菜，個炒蛋都有幾多蝦，唔錯。我叫咗酸辣餛飩。先講餛飩，餡料新鮮，肉菜比例均勻，皮就唔似自己整，應該係攞貨嘅。餛飩好食。再講酸辣湯，酸辣度適中，無話酸到搶喉，料都算正常。不過.....個湯太"傑"，一點都唔似湯，比糊更傑，完全破壞咗成碗野，結果我飲淨一半，好失望😢希望只是一失水準，竹我會因為個餛飩再黎。期望下次會飲到正常嘅酸辣湯。
继续阅读
香港嘅上海菜餐廳其實都唔算好多，而呢間咁啱又係銅鑼灣附近，所以行完街就過嚟試吓。味道同埋服務都幾好絕對對得住個價錢。擔擔麵小辣，個面底本身都幾多，可以兩個人share嚟食。湯底都幾濃郁，食到下面有好濃嘅花生碎同埋肉碎，而且面頭嘅紅油都唔算太多唔會太油膩。最好嘅位係因為啲面非常之吸汁，而店員會再比另一碗嘅汁依家落去所以唔會變咗麵糊。回鍋肉炒年糕，首先講吓個年糕都幾有咬口，而且份量都幾多，入面有埋椰菜去炒有少少汁可以比年糕吸埋，所以非常之入味而且調味都幾適中小小辣辣地又唔會太鹹，都幾正宗小籠包方面，皮都算幾薄而且入面會有少少湯汁可以飲下。入面嘅肉亦都唔會太乾身，點少少醋咁食更加好味炸銀絲卷，出面略嫌油左少少，不過都炸得幾香脆，係新鮮即炸。所以非常之熱辣辣。而入面點解似銀絲係因為入面饅頭嘅麵粉會做到好似一條條絲咁，令到饅頭更加鬆軟有少少麵粉香。春卷方面同饅頭一樣係新鮮即炸不過就唔會太油膩，而且入面都有唔同嘅蔬菜類例如紅蘿蔔木耳等等食落去都幾爽口。最後職員嘅服務態度亦都唔錯，價錢唔算太貴合理最重要係內部嘅裝修同埋座位都有落過一番心思。
继续阅读