紅棉

营业中

休息中

红棉成日听啲朋友讲都唔错，今日特登过嚟试吓！订位方面唔算困难，始终个地方同中环同金钟都有啲距离，地理上唔系太方便，而且亦都唔近地铁站，所以很容易订位！装修方面，成日都以为系酒店嘅环境，但我个人觉得有啲逼夹！如果啲座位可以松少少，咁就更加好！而当然冇乜特别嘅风景可以睇，呢一点就差少少！咁始终餐厅都系讲食物质素，咁我都系讲返啲食物先！今日系中午时间过来，咁就试吓啲点心！今日嗌咗几个点心，分别系虾子竹笙河虾饺、芙蓉海鲜菜苗饺、蟹籽烧卖王、苹果叉烧酥、千丝脆皮萝卜糕，另外亦都叫咗个花雕鸡油蒸马友，同一个美国牛小排干炒牛河！首先真系要讲，食物嘅质素系唔错，虾子竹笙河虾饺真系又好重嘅虾子味，而且皮薄，啲皮亦都好烟靭，食完又好深嘅印象！全部点心都好好食，只系千丝脆皮萝卜糕就有啲多油，除此之外，真系冇得挑剔！另外嘅花雕鸡油蒸马友都整得唔错，条鱼蒸到啱啱好，而且都有好重嘅花雕味道，同鸡油配合得天衣无缝！美国牛小排干炒牛河，亦都炒得好干身，配合美国牛小排，发挥到牛河嘅真正威力！坦白讲，食物方面真系好出色！如果可以装修得好啲，或者有啲风景，就真系冇得顶！