Call Me Chef

营业中

休息中

去APM戲院睇完場戲後，仲煩惱緊去邊食午飯，朋友就提議到附近的駱駝漆大廈覓食，掃樓途中俾Call Me Chef門口餅櫃陳列的千層蛋糕吸引左入去。 烤釀明太子無骨雞翼配白菌奶油意粉 $108套餐: 是日沙律蘋果薯仔沙律，正正常常，好多醬汁。 套餐: 精選餐湯是日餐湯為南瓜湯，南瓜蓉好細緻口感香滑，味道不錯。 套餐: 烤釀明太子無骨雞翼配白菌奶油意粉主菜上場賣相吸引，雞翼脹卜卜釀滿明太子，啖啖肉咬落滿足，明太子調味唔錯要讚，雞皮炸得幾香脆。忌廉汁香濃好掛意粉，配料仲有不少菇菌和翠玉瓜片，口感豐富。套餐: 意大利雪糕球有雲尼拿同芝麻味兩款選擇，我選了芝麻味。雪糕口感滑滑，芝麻味都好香濃。 套餐: 精選餐飲凍水果茶，有蘋果、香橙、西柚、石榴同火龍果，全部都大大片，飲落微甜口感清爽。 焙茶千層蛋糕 $34忍唔住要叫件千層蛋糕試試，每一層餅皮都好薄，忌廉好均勻，淡淡焙茶茶香，減輕忌廉的甜膩感，食晒成件都唔會覺膩，幾好味，下次一定要試多幾款味道。