牛元帥粉麵

营业中

休息中

九龙城大把好食野，但要性价比高的食店又唔系咁易揾到。钟意食牛的我一见到呢间店个名就紧系要试一试下啦。见到店舖细细以为系一般面店，入到去先知佢都几多款式选，又有粉面又有饭食。沙瓜牛腩河沙瓜系市面上比较少见，原来系牛的第四个胃，口感同金钱肚完全唔同。咬落去比较厚身似猪肚，但又比猪肚爽口，而且件数都唔少嫁。牛腩入口充满牛脂的甘香，非常好食。半肥瘦的肉质入口软淋，真系要hashtag一下#真心必食之选#。咖喱牛腩饭咖喱入口香甜微辣，最岩唔食得辣又心思思想食辣的朋友。牛腩大旧不过肉质都系入口软淋，都系好香牛肉味。真系要赞下老板娘真系好客气又好人，下次黎九龙城再帮衬先得。