Soul Good (已搬遷) 新店位置

路经见到应该系新开张嘅西餐厅，坐位唔算多，环境清静，开放式厨房，感觉和谐系舒服嘅，服务员态度热情有礼，连两位厨师都能懂得微笑，年青人应有嘅态度，值得一赞。因为唔系太肚饿所以只系叫咗蒜香蚬肉意粉同一杯生啤。第二赞系啤酒仲要系生啤，凉快加爽，好饮。意粉卖相相当不错，味道嘅调味拿捏得精准，蚬肉仲有阵阵嘅海水味，第三赞，用料新鲜，after taste好好，西餐嚟讲以味道，价钱同服务质数合理不过，冇谂过屯门区加上只系小店一间都会咁有heart去做西餐，请多多支持呢类小店，值得再去！