武士拉麵 (已結業)

今时今日去好多地方食拉面闲闲地都要成嚿水，相反呢间既午市拉面真系好抵食，而且味道亦好好，好有诚意，所以地点有d唔就脚都值得去支持下。呢度既汤底浓度，面条粗幼同面质软硬度都可以自己选择。今次我要左碗丰臣将军拉面，姐系四国香葱拉面，汤底要浓而面质系粗。汤底啖啖充满香葱味，而面头亦加上大量葱粒，岩哂我呢个葱精。朋友就要左足利将军拉面，即系黑蒜油猪骨汤拉面，面就要左幼面。黑蒜同麻油味道2者配合得好好，猪骨味亦够浓。重点要讲既系拉面上既叉烧，烧到焦焦地，再加上黑椒，劲香劲好食！另外要左2个小食，煎饺子同炸鸡块。煎饺子饀冇咩特别，都系白菜猪肉，但胜左皮够薄亦煎得够脆。炸鸡块就值得一赞，$22有5大件，唔干够juicy，鸡肉亦好嫩滑，好好食！下次会去埋其他分店试下。