餃掂手工餃子雲吞專門店

饺子专门店呢间都算系数一数二啦，佢最贵𠮶款饺子大约要$90左右8只，材料绝对唔野少㗎，就好似黑白松茸煎双饺咁，由黑松露同白松露再加猪肉馅制成，味道真系超浓郁，今日就嚟试吓其他款嘅饺子先😍😍😍我哋嗌咗一款煎饺同埋一款汤饺，佢个汤饺嘅汤底系跟咗个状元九鼎汤，应该系用鱼淆成嘅汤嚟，虽然个色泽唔错，呈奶白色，但其实有啲淡，呢款汤饺叫元贝猪肉饺，里面系有瑶柱，芹菜，金针菇，猪肉，味道真系超浓郁，瑶柱嘅鲜味盖过晒整个猪肉饺，咬落去见到青绿色嘅芹菜，非常新鲜，可能系加咗金针菇嘅关系，令到成个饺子食落好香👍🏻👍🏻👍🏻煎饺方面叫左份野生松茸素饺，佢入面系有小棠菜，木耳，金针菇等，虽然系素饺，但味道都可以同猪肉饺媲美，煎饺最着重都系火候嘅问题，呢度嘅煎饺可以煎到两面金黄色，一啲都唔油，黄金比例啱啱好，入面嘅材料全部都系好新鲜，总括嚟讲，无论系$100嘅饺子定系$50嘅饺子，佢哋嘅质素都系一样咁出色😋😋😋最后我哋叫咗两杯豆浆同埋一份菜心，豆浆冇咩特别，不过佢系甜度适中豆味浓嘅豆浆，菜心方面熟度都啱啱好，整体都唔错，款式都多，又有分只数，经过不妨一试，佢有好多分店㗎😉😉