泰妹餐廳 (The Wave) (已結業)

复活节假期的晚上，同朋友3人行想食泰国野，openrice search见到呢间泰妹评分都几高，一于去check it out！强烈建议大家想食ge话记得早d book位，餐厅座位唔算少，但问过职员话厨房只有一个炉头，所以佢地预ge食材有限，而且出餐时间也是考人耐性，如果想食好野，个人认为都值得等ge。海南鸡饭最快有得食ge就系海南鸡饭，饭入口有阵阵椰香味，鸡肉肉质好嫩滑，就算连鸡皮食都唔觉油腻，份量同质素以$58来讲绝对系性价比高！蛋花黄咖哩大头虾火山包足足等左一个钟先有，真系好大个包！最吸睛系大头虾，2只已开边，应该系微炸香过。灵魂在于个黄咖哩酱，香浓而不腻！兼且份量都多，唔怕唔够点，最后我地3个人都太饱食唔哂。泰式炒杂菜完全冇泰式ge味道，只系一碟好普通ge蒜蓉炒杂菜，$68好唔抵食，仲贵过一碟海南鸡饭。