影片
更多
2022-07-23
951 浏览
海鲜蒸锅呢🍲第一次系香港食海鲜蒸锅💛仲要系Happy Friday🥳我称呢餐为海鲜Omakase 完全唔知下一个海鲜系咩😂讲落你想食咩 唔食咩就得🤟🏻记得要预约呀 一开始以为食海鲜蒸锅会好贵 食完大家都饱到上心口 估可能要位位$600呢 最后埋单每人唔洗$500🙌🏻性价比合理🤓有12款海鲜同肉😋每样份量少少 少食多滋味☺️但都饱到傻！仲有专人服侍你 帮每个人夹到碟上面🙌🏻所有海鲜都会有人帮你蒸同起 下面会称呢个人为专人🤣个人喜爱三甲系鸡🐥蟹🦀海鲜粥💯以下系顺住食既次序去讲😚啲相唔太靓 因为冇特登排靓啲先影 一起盖 劲多蒸气 又赶住食🤣🌈蚬🌈虾🦐蚬同虾我唔多讲啦 都系好鲜甜 做一开头既海鲜 系唔错 开左个靓头 之后既先系重头戏🤓唯一提大家嘅就系 啲海鲜真系啱啱蒸出嚟 小心热😂我自己钟意食热辣辣嘅 所以我会好快手就搣壳 小心手啦😆🌈墨鱼滑呢个会系我五甲之选 腍得嚟又弹弹地 我好钟意墨鱼滑入边有马蹄 食落去个口感更丰富 索索声 不过友人就不太好 个人口味嚟嘅🤣🌈鲍鱼专人放落去既时候 已经帮大家一开二 起埋壳落去蒸 去到呢碟嘅时候已经可以直接放入口 鲍鱼鲜而不靭 🌈蛏子Aiiiii我果只好大 好
海鲜蒸锅呢🍲第一次系香港食海鲜蒸锅💛仲要系Happy Friday🥳我称呢餐为海鲜Omakase 完全唔知下一个海鲜系咩😂讲落你想食咩 唔食咩就得🤟🏻记得要预约呀 一开始以为食海鲜蒸锅会好贵 食完大家都饱到上心口 估可能要位位$600呢 最后埋单每人唔洗$500🙌🏻性价比合理🤓有12款海鲜同肉😋每样份量少少 少食多滋味☺️但都饱到傻！仲有专人服侍你 帮每个人夹到碟上面🙌🏻所有海鲜都会有人帮你蒸同起 下面会称呢个人为专人🤣
个人喜爱三甲系鸡🐥蟹🦀海鲜粥💯以下系顺住食既次序去讲😚啲相唔太靓 因为冇特登排靓啲先影 一起盖 劲多蒸气 又赶住食🤣
🌈蚬
🌈虾🦐
蚬同虾我唔多讲啦 都系好鲜甜 做一开头既海鲜 系唔错 开左个靓头 之后既先系重头戏🤓唯一提大家嘅就系 啲海鲜真系啱啱蒸出嚟 小心热😂我自己钟意食热辣辣嘅 所以我会好快手就搣壳 小心手啦😆
🌈墨鱼滑
呢个会系我五甲之选 腍得嚟又弹弹地 我好钟意墨鱼滑入边有马蹄 食落去个口感更丰富 索索声 不过友人就不太好 个人口味嚟嘅🤣
🌈鲍鱼
专人放落去既时候 已经帮大家一开二 起埋壳落去蒸 去到呢碟嘅时候已经可以直接放入口 鲍鱼鲜而不靭
🌈蛏子
Aiiiii我果只好大 好鲜甜 夹上碟时 专人会帮你将蛏子蒸出嚟既汁倒落匙羹度 先饮啖汁 再食蛏子~好鲜好甜💛但好唔好彩我只蛏子有沙 友人既全部都冇😢但我都觉得系不错不错👍🏻
🌈濑尿虾
呢幕有少少残忍 望住极新鲜仲生猛弹动梗既濑尿虾蒸熟🙈好彩转个头啲蒸气会遮晒🌫当蒸熟之后 专人会夹起拎入厨房帮大家除壳 再拎返出嚟俾大家慢慢品尝 唔洗好艰辛咁拆壳又唔洗整污糟手😙好体贴 好大只赖尿虾 鲜味十足
🌈青口
呢只青口要特别讲一讲 本身觉得青口应该冇咩特别 同平时嘅差唔多 但系呢个青口好大 而且食嘅时候 我食到有啲生蚝既感觉🦪 omg我之前系未试过有呢种味道🤣
🌈花甲
上面蚬我未食够㗎 好彩仲有花甲😋都系每样几只 份量唔多 但每只都鲜甜
🌈蟹🦀好出色 好出色 好出色 有放落蒸锅𠮶一刻 见到啲蟹膏流晒出嚟 满满的 已经舔舔脷😌好期待食 我地全部人都一边食 一边讲蟹膏真系好好食 仲要好多 出色呀！真系好新鲜好值💯
🌈牛
其实食完蟹已经好饱 饱住食呢个牛都依然好欣赏个牛！拿 海鲜就唔洗点任何酱料或者豉油 第一旧牛可以就咁食 之后嘅牛我都有点酱油 味道更加好食
🌈鸡+蔬菜
未食呢个鸡之前 蟹系我嘅第一位 食完个鸡之后 鸡变咗我全日最爱之选😍系滑滑鸡！好耐冇食过咁滑既鸡！系连鸡皮连鸡胸都滑埋一份🤤腌得啱啱好 真系好好味 可能我个人钟意食鸡肉啦🤫蔬菜方面 有冬菇 虫草花 粟米 木耳 菜 粟米好甜🌽
🌈海鲜粥
以上所有海鲜 肉 菜的日月精华都系晒个粥入面😍未开始蒸前 望到粥底有蟹 猪肉 虾米 已经好期望最后煮到出嚟会点🤩冇失望！充满咸咸地既海水味同海鲜鲜味❤️中意既可能落少少胡椒
呀！唔记得讲 地方系有少少远 但值得去～仲有我几欣赏舖头有菊花杞子红枣茶☺️
张贴
