甜姨姨私房甜品 (清風街)

营业中

休息中

星期二晚同朋友喺大坑食完饭后，朋友想食甜品，于是就行返去天后清风街𠮶边，行行下就拣呢间甜姨姨。舖头满座，不过都好快入座。朋友推介话呢度出名食榴连，而豆品都唔错，咁我第一次食就叫咗个绿茶豆腐西米露，朋友就叫原味豆腐西米露。我个绿茶豆腐西米露，配咗云尼拿雪糕。个绿茶豆腐好似豆腐花沙冰咁，但又好有豆味，又有茶味，捞埋一齐嘅味道几唔错，唔会好甜，配合返个云尼拿雪糕就啱啱好了。我见好多食客都叫一桶桶嘅豆腐花，可能下次我都会试下架。