百味鮮辣蟹專門店 (已結業)

自从地铁可以去西区之后，而家去西环食嘢真系好方便！香港食辣蟹嘅地方唔多，呢间系其中一间，重点系佢有新加坡style嘅香叶黑胡椒炒蟹，呢个真系唔系度度都有得食！其实净系炒蟹佢都有8款比你拣，一定拣到岩食既！首先叫个冷盘先，肉松皮蛋豆腐，份量都几大，整体都唔错！香叶黑胡椒炒蟹，少辣，用砂锅上，卖相一流！试一口个汁，香辣浓郁，蟹方面用上大肉蟹，蟹钳已被打碎咗个壳，所以食地上黎都算方便，记得食果时加返d汁系蟹肉上面，倍添美味！豆酥蒸黄花鱼呢个好。好。食。！黄花鱼滑身，加上炒香既豆酥，加碗白饭吖唔该！呢度食物分量都唔细，要人多先可以试多d款式！