君戶鍋貼大王 (已搬遷) 新店位置

环境装修虽然平凡，但嘢食都真系唔错架。平时黎开就一定会食锅贴，因为真系皮薄，汁多，有几次真系喷汁岀黎，无夸张！同枱嘅友人懗亲。十几蚊就有五只煎饺，如果唔系食两碟都真系唔够饱，要另加其他嘢食先够。今次就试左佢嘅菜饭，又真系几好食，所以决定要分享一下。煎饺，皮薄，肉厚，汁多。不得不叫。有时点辣酱更好食。通常要食两碟先够。依到嘅上海面都好食，不过今次食嘅系酸辣汤面。酸辣汤质感似足碗仔翅，啲料都似，不过就多左酸味同辣味，但辣味唔算太劲。如果想食下碗仔翅又想食饱饱，可以试下。佢就系我想写依篇食评嘅原因啦。炸猪扒菜饭，大概40至50嘅价钱。猪扒炸得岩岩好，唔厚粉，肉质唔"鞋"，仲保留左肉汁。表皮略脆，入面软身。真系觉得好抵食。而菜饭有菜香味，啲菜仲保有咬口同汁，唔会干争争，同埋炸猪扒嘅口感好夹。好好食。我谂我下次都会再叫的！不过次次佢嘅落单系统就有小小乱。扣晒分。