影片
更多
2015-07-16
850 浏览
長沙灣有咩好野食？唔想食連鎖餐廳，就可以試下支持呢類小店啦。店頭面積唔大，由一大班姐姐主理，令人不禁聯想起譚仔😂 而佢開放式廚房既設計，可以見到姐姐係到即叫即整，好有家庭feel 😂 當碗麵黎到既時候，就會心諗：嘩！呢個咁似琴日晏就煮個麵既！洗乜出去食！我既蕃茄餃湯麵；同朋友既牛肉餃湯麵。睇相個樣真係平淡到同屋企煮既差唔多，但係一食落口令人驚喜既係佢既麵條！中式既麵條其實有好多款，就連上海麵都分左唔同既質感。而呢一款面，睇落比烏冬幼啲，食落口既時候好煙韌，好香麵粉既味道👍🏼😋 比起成百蚊碗既「日式拉麵麵底」有過之而無不及！讚👏🏼👏🏼👏🏼👏🏼餃子方面，因為係自製既關係（食既時候見到一位姐姐係隔離包緊餃），冇皮薄，但係就有真材實料！撈入去既豬肉唔係頭頭尾尾既肥膏或者核突肉，所以食起上黎唔會有一大陣豬臭味，亦都唔會一咬落去成口油，成個感覺好踏實咁😋讚👍🏼另外見佢幾特別咁有得嗌蕃薯苗，所以就叫左一碟。蕃薯苗係好健康同有益既菜，因為纖維特別多，出面既鋪頭亦比較少有得食！味道方面，食慣重味既可能會以為自己食緊草，但係就正正係白灼先可以食到佢本身淡淡既個種香味！如果有機會又唔介意啖味一啲既，嗌黎試下
我既蕃茄餃湯麵；同朋友既牛肉餃湯麵。睇相個樣真係平淡到同屋企煮既差唔多，但係一食落口令人驚喜既係佢既麵條！中式既麵條其實有好多款，就連上海麵都分左唔同既質感。而呢一款面，睇落比烏冬幼啲，食落口既時候好煙韌，好香麵粉既味道👍🏼😋 比起成百蚊碗既「日式拉麵麵底」有過之而無不及！讚👏🏼👏🏼👏🏼👏🏼
餃子方面，因為係自製既關係（食既時候見到一位姐姐係隔離包緊餃），冇皮薄，但係就有真材實料！撈入去既豬肉唔係頭頭尾尾既肥膏或者核突肉，所以食起上黎唔會有一大陣豬臭味，亦都唔會一咬落去成口油，成個感覺好踏實咁😋讚👍🏼
另外見佢幾特別咁有得嗌蕃薯苗，所以就叫左一碟。蕃薯苗係好健康同有益既菜，因為纖維特別多，出面既鋪頭亦比較少有得食！味道方面，食慣重味既可能會以為自己食緊草，但係就正正係白灼先可以食到佢本身淡淡既個種香味！如果有機會又唔介意啖味一啲既，嗌黎試下都唔錯，唔洗餐餐菜心生菜嘛。
张贴
