帝京餅店 (已結業)

我哋屋企系帝京饼店的忠实fans，成日都会去买蛋糕食，今次系我生日，老公又系帝京酒店入面的帝京饼店买蛋糕，唔同的系，佢今次系网上订购，一样会有折扣优惠，原价 HK$ 320.00，网上特价 HK$ 288.00一个，好方便又可以写生日祝福字句。今次拣左比较高身的黑森林蛋糕，每个一磅，系朱古力海绵蛋糕入面有朱古力慕丝，有樱桃酒糖水，樱桃酒忌廉和樱桃酱。蛋糕好好味，唔算太甜，造型都好靓。附送的朱古力生日牌原先放左系蛋糕上面，但遮住哂全部水果，影相唔太靓，俾我哋自己拎左出嚟放系下面。店员提醒蛋糕未食需要放雪柜保存。