Café BAU

营业中

休息中

呢间餐厅收藏了很久，一直想试吓！拖了很久，最后终于揾到机会食一次！知道佢只鸡好出名！听讲拍得住「四大名鸡」！结果真系一试难忘！今次试咗佢嘅tasting menu，每一道fusion菜都好出色，好食之余仲有惊喜！由面包开始，已经感受到唔错！同埋每道窗都有啲仪式感，啲职员会同你讲解一下。记得其中有一个系用八珍甜醋整嘅猪手，睇落去一啲都唔似，食紧嘅时候觉得好似食紧姜醋咁，但系又几好味！之后有一个海鲜粥，中西合璧都几得意！我最奇怪系明明食紧主菜，中间摄咗一个雪葩，就比较怪啲，唔知系咪上错菜，但整体都唔影响对佢嘅好感！当然最后要提一提佢只鸡，真系做到皮薄，鸡又多汁！又有鸡味！唔会用过分嘅腌料影响咗鸡味！加埋𠮶啲饭！真系好匹配！成晚食完真系饱到上心口！好味好味！下次一定会再嚟帮衬！而环境方面亦都唔错，气氛都几好！职员都好有礼貌！