Garden Bar & Restaurant

营业中

休息中

见到Tst有新餐厅,个环境又几靓咁,忍唔住就去试下 其实我好钟意去类似嘅地方食西餐,不过有时啲环境又太嘈,有时枱与枱之间有好窄冇乜空间感,呢度就感觉几舒服,适合朋友静静地倾下计饮嘢食饭。呢度系用ipad menu,首先睇到嘅系一堆个名好特别嘅饮品,每款cocktail都会有少少文字解释下关于个杯饮品,我觉得几有心思朋友拣咗杯眠曲, 我就拣咗杯冇酒精嘅cinderella,两杯饮品都真系几有惊喜。先讲朋友个杯,净系个酒杯都已经好有特色,衬返眠曲个名有个月亮嘅架,酒味唔算好浓有淡淡花香,味道好特别,好少饮到类似既cocktail。而我个杯就有浓浓既berry味,酸酸甜甜,好好饮。然后waitress 主动过嚟介绍嘢食畀我哋听,佢介绍咗呢度嘅signature沙律,同埋煎带子畀我哋。个沙律摆盘好靓,其实全晚嘢食嘅摆盘都好好,好有心机,呢点好抵赞 沙律食得出所有食材都系新鲜嘅,佢唔会有好多沙律醋或者酱,盖过咗蔬菜嘅新鲜,感觉淡淡地酸酸地几清新。之后系一个蕃茄水牛芝士,个sauce做得几好,都系用新鲜蕃茄整成,而水牛芝士唔会好重芝士味,对于我朋友比较唔钟意太浓芝士味嘅人嚟讲,就唔会抗拒呢款菜式。