御膳

营业中

休息中

约左班朋友食饭，有人提议去食呢间私房菜，人多岩哂去食。地方唔算大，但都够摆4-5张大枱。装修一般，始终私房菜唔系著重于此。砂锅大鱼头豆腐汤，一啲鱼醒味都无，而且仲好甜。麻辣卤水拼盘，牛肚唔韧好爽口，大肠都好干净，两样都卤到好入味。中间青瓜沙律就比较辣，但都好好味。姜葱炒大肉蟹，蟹好大只，落左好多姜葱非常惹味。流沙黄金虾，成只虾满布咸蛋黄，而且炸到外壳好香脆，可以连壳食埋。花胶扒羊肚菌，汁好香浓，令到所有有营养但淡而无味既野食变得好好味。上网揾左原来羊肚菌好有养生保健既功效。姜葱炆龙趸腩，炸完再落姜葱炒，非常入味。士多啤梨骨，食落无望落咁酸，恰到好处，而且仲有阵阵士多啤梨既香甜味。蟹油银芽炒面，唔系好油，面亦炒到烟烟韧韧，唔咸而且非常好味。芒果布丁，唔系好甜，浓郁既芒果味，冻冻地透心凉。