影片
更多
2022-10-28
2932 浏览
大围小馆 (大围)📍大围积福街92号地舖之前去大围踩单车嘅时候都发现呢间餐厅任何时候都排长龙，后来发现大围小馆今年荣获米芝莲推介！所以最钟意食点心嘅我哋就拣咗平日一尝米芝莲点心嘅威力！当日10:00已经到达，眼见已经一大条长龙都担心食唔到！好彩当时派紧飞仔，我哋先至及时可以攞到最后一张枱！估唔到咁多忠粉们系会提早30 分钟以上过嚟排队等开门！点心款式选择多，而且价钱合理经济！大中小点都系分别$40 / $36 / $33。而且出示长者咭可以免茶费，惠泽社群嘅表现，难怪有一批忠实支持者早起排队等饮茶！难得咁远黎到，当然要叫多啲特色点心！我地叫咗9个点心同小食，真系捧住个肚走！😂👩🍳第一叉 $268 / $158半份🤤🤤🤤🤤🤤「第一叉」呢个名其实系形容叉烧嘅部位，行内人会称之为「第一刀」，即系猪颈背向天嘅位置，亦都系梅头中上肉嘅意思！（我哋好奇问，职员亦好耐心咁解释）职员亦都表示佢哋都会坚持用呢个部位来做叉烧，用料非常优质！大大嚿叉烧，色泽鲜明，软嫩多汁，肥瘦适中，配搭蜜汁甜而不腻，酱汁更可以带出肉嘅甜味！难怪佢哋对自己嘅叉烧咁有信心，因为试过就知，佢真系可以称得上我咁大个女食过最好味嘅
📍大围积福街92号地舖
之前去大围踩单车嘅时候都发现呢间餐厅任何时候都排长龙，后来发现大围小馆今年荣获米芝莲推介！所以最钟意食点心嘅我哋就拣咗平日一尝米芝莲点心嘅威力！
当日10:00已经到达，眼见已经一大条长龙都担心食唔到！好彩当时派紧飞仔，我哋先至及时可以攞到最后一张枱！估唔到咁多忠粉们系会提早30 分钟以上过嚟排队等开门！
老欉水仙
50 浏览
0 赞好
0 留言
点心款式选择多，而且价钱合理经济！大中小点都系分别$40 / $36 / $33。而且出示长者咭可以免茶费，惠泽社群嘅表现，难怪有一批忠实支持者早起排队等饮茶！难得咁远黎到，当然要叫多啲特色点心！我地叫咗9个点心同小食，真系捧住个肚走！😂
👩🍳第一叉 $268 / $158半份🤤🤤🤤🤤🤤
「第一叉」呢个名其实系形容叉烧嘅部位，行内人会称之为「第一刀」，即系猪颈背向天嘅位置，亦都系梅头中上肉嘅意思！（我哋好奇问，职员亦好耐心咁解释）
职员亦都表示佢哋都会坚持用呢个部位来做叉烧，用料非常优质！
大大嚿叉烧，色泽鲜明，软嫩多汁，肥瘦适中，配搭蜜汁甜而不腻，酱汁更可以带出肉嘅甜味！难怪佢哋对自己嘅叉烧咁有信心，因为试过就知，佢真系可以称得上我咁大个女食过最好味嘅叉烧！（净系呢一度菜都真心值得排队…）
第一叉
2426 浏览
1 赞好
0 留言
👩🍳意大利黑醋伴米茄子 $62🤤🤤🤤🤤🤤
炸茄子配意大利黑醋，第一次试！呢个绝对系一个开胃小菜，茄子，虽然酥炸过，但一啲油腻感都冇，再配上意大利黑醋，酸酸甜甜绝对系一个佳肴！
难得食中式点心可以食到呢一种菜式！
意大利黑醋伴米茄子
68 浏览
1 赞好
0 留言
👩🍳冰花蛋球（沙翁）小点 🤤🤤🤤🤤🤤
大大个沙翁用日本蛋做，蛋味十分之香浓，而且size系拳头咁大！基本上一上菜必定会「哗」一声！😆
沙翁来讲真系我食过最好味！佢除咗蛋味香浓之外质地亦都系少少烟韧！呢个系必叫点心！
冰花蛋球
150 浏览
0 赞好
0 留言
👩🍳鲜荀虾饺 小点 2粒🤤🤤🤤🤤🤤
虾饺皮薄馅靓，入边有大大只虾，弹牙又鲜甜！最好系可以叫2粒，就算两个人嚟都可以叫多款点心！
鲜笋虾饺
66 浏览
0 赞好
0 留言
👩🍳香茜牛肉肠 特点🤤🤤🤤
睇到张相就知芫荽比例有几重！芫荽控就一定好高兴！肠粉皮亦都非常之滑又烟韧！
香茜牛肉肠
80 浏览
0 赞好
0 留言
👩🍳煎韭菜粿 小点🤤🤤🤤🤤
意外地好食！其实佢系一个猪肉加韭菜煎制而成嘅饼，韭菜比例非常之多，而且表面亦煎得好香脆，如果钟意韭菜嘅话真系值得试！
煎韭菜粿
38 浏览
0 赞好
0 留言
👩🍳鲜肉烧卖 小点 2粒🤤🤤🤤🤤🤤
由新鲜猪肉打制而成，大大粒猪肉馅咬落亦都弹牙！上面仲要加咗一个大大粒嘅香菇都依然系小点，真系抵食！
鲜肉虾饺
62 浏览
1 赞好
0 留言
👩🍳怀旧煎糯米鸡 特点🤤🤤🤤🤤
糯米鸡大大旧表面煎得非常香脆！内里亦都保持传统又大粒走油嘅咸蛋黄，糯米亦都烟靭，非常足料！
怀旧煎糯米鸡
86 浏览
0 赞好
0 留言
👩🍳叉烧餐包 小点 🤤🤤🤤🤤🤤
叉烧餐包细细个已经钟意食！佢哋采用咗第一叉做叉烧餐包嘅馅料！仲要系粒粒叉烧肉，而唔系好似坊间一般嘅肥猪膏！酱汁亦唔会过咸，真系好好味！
叉烧餐包
49 浏览
0 赞好
0 留言
❤️ 总括嚟讲睇得出大围小馆对选材嘅要求非常之高，所以做出嚟嘅食物都特别优质！虽然材料上盛，但点心来讲收费算系合理同经济，相比之下真系非常之抵食，坦白讲酒店中菜厅都俾唔到呢种质素。所以就算排几耐队我都会再次光顾！最后亦都想称赞一下佢哋嘅职员，个个都非常有礼好客，亦都好乐意去介绍招牌菜嘅特色！其实职员嘅介绍真系好紧要，食客对食物了解多咗，感受亦都会深刻，而将食物放入口嘅时候亦都会加倍细味品尝！
米芝莲点心以前都食过，但呢间真心出色👍🏻👍🏻👍🏻👍🏻👍🏻
张贴
