利苑酒家 (北海中心)

营业中

休息中

传统老牌酒家 ，老火汤传统小菜不嬲都出名， 所以好放心嚟晚饭，估唔到比预期更出色。今晚又嚟食饭叫咗两个小菜， 清清淡淡， 健健康康 ，见到盐香葱油农场鸡仲以为系蒸鸡，点知送到𠮶阵时原来系好似炸子鸡咁嘅样，但系又好食过炸子鸡好多，肉味鲜嫩香口 ，真系一个好出色嘅粤菜，食到舐舐脷，唔够喉嘅感觉，系有啲意外嘅惊喜。🥳🥳另外一个系虾干椰菜，都系炒得非常香口 ，虾干唔多，但系就好新鲜好鲜味，椰菜同粉丝嘅配搭更加系刚刚好，用煲仔上，食到最后都系滚热辣。 白饭都好出色，松软香滑，明显系用靓米煮。一餐好似样嘅晚饭就应该咁样，食嘢好简单 ，两𩠌一饭，幸福感觉。