快船廊

营业中

休息中

今日同朋友farewell，决定食餐靓自助餐，临急临忙，好多酒店都full咗，最后误打误撞拣咗哩间，结果令人十分满意🤩。我哋坐比较远食物枱嘅梳化位，环境十分宁静有气派，灯光微暗，感觉悠闲写意。我哋每人有一只大闸蟹，蟹膏甜美回甘，好食😋。食物选择都算几多，我最关心嘅系冷盘海鲜，佢哋有龙虾🦞、面包蟹、长脚蟹、翡翠螺、鲍鱼、青口、虾同蟹钳，正呀！样样都好新鲜清甜甜美，最后食咗两大碟！另外，我仲试咗佢哋非常有名嘅海南鸡，鸡十分嫩滑，鸡有鸡味，酱汁调味一流！芝士种类亦都几多，我每款都试咗少少，超满足！甜品亦琳瑯满目，我最钟意系佢哋嘅朱古力，芝麻抹茶朱古力片同黑松露香槟朱古力，真系好正！另外唔少得当然系佢哋都好出名嘅芝士蛋糕啦，哗，真系好掂㖞！芝士味十分香浓，口感十分细嫩，食嘅时候有感动嘅感觉！好满意嘅一餐😍。