大家食 (已結業)

下午系土瓜湾睇完中医就系附近食埋野先返公司，大热天时胃口麻麻，想揾间平平地既餐厅求其食啲野算，记得呢间有自家制既特色面，咸丰年前食过佢嘅蕃茄蛋牛肉好似唔错，就叫左呢个组合👍Lunch hour上菜速度算快，等左几分钟就有～落完单醒起唔记得咗叫扣底，但黎到俾我既感觉似系已经扣左底😅 (胃容量比较大既人呢间野未必适合你🤣)蛋既份量比较少，得啲蛋碎😅蕃茄煮得几淋，岩我👍以呢个价钱黎讲牛肉份量合理，大部分都淋身唔un～面底我拣左粗身既削遥面，口感唔错唔会太淋，比起台湾刀削面再厚丁丁同阔身丁丁，系几出色既👍不过如果叫多一两个𩠌应该都同出面食酸辣米线价钱差唔多，但我呢个勉强叫做有三款𩠌系里面既面先三十蚊我就觉得超抵食啦🤣 (虽然已经唔系叫麻辣酸辣咁浓味，但食完都几口渴😂)