釣魚翁 燒鵝．海鮮飯店 (已結業)

每个星期六都系同娘亲饮茶既日子，今日饮到去荃湾钓鱼翁，1330左右到，好多人等紧位，等左半个钟，1400可入座，刚刚好开始下午茶望一望个餐牌， 下午茶既价钱都好合理㖞，再仔细睇一睇，竟然有我超钟意既陈村粉！系香港已经好少地方有得食，竟然可以系荃湾有，即时点来试下先！虽然坐无虚席，但系侍应生都唔会话太少，唔会发生啲举极手都无人理既情况出现，而且佢地既态度都会比较好。10分钟之后，我最期待既陈村粉已经到左，有几片香菇，菜，下面就系粉，不过油粉都会比较多，系个底度浸住左，味道虽然唔够香味，但系总体味道都不错，好过无得食叫左两碗饭，特价，但足料，唔会全部都系骨，烧腩仔皮是脆的，香口，蜜汁叉烧半肥瘦，送饭一流，鸡肉滑身，烧味饭没有特别，也没有失望。最错叫左呢一样点心，可能因为浸住汤，好软身，比较容易一夹就烂，但味道清清地都可以。最平的一道点心，只系$9.8，亦都系惊喜的一道，好烟un，食落好有咬口，味道有啲似黄金糕，不过佢系蒸既，绝对系出色既甜点心，难怪见到好多桌都有叫呢一道点心啦埋单都只系$200头，以此价钱有该质素，绝对饮得过，但亦因该咁，等位都需时，预早点时间，推荐！