西江薈河鮮小館

营业中

休息中

🍚出色街坊小菜🍚-对比西餐，司令一向喜欢食中餐🤣，最喜欢周围发崛好食既小菜，今次介绍喱间，位于深水埗同石硖尾交界，好多手工野都做得好食，而且价钱超抵，绝对值得一试！前菜必试佢地既三层豆腐($45)，外表炸到好似臭豆腐咁脆，咬入去系玉子豆腐质感，底层仲有菠菜增加口感，满意！玫瑰头抽鸡($128/半只)个人觉得都系必食，出奇地肥美，做得好入味但同时keep到鸡肉嫩滑，再配少少佢既汁拌饭完美。陈皮鸡蛋焗鱼肠($98)而家好少餐厅做，喱到鱼肠完全唔会腥，而且鱼腥比得多，配少少胡椒粉已经好好食。另外点既二人套餐($328)，有清蒸笋壳、苏梅榄角骨、鱼肚浸时蔬，有三道𩠌超抵食！睇餐厅名就知一定要食鱼，蒸笋壳肉质嫩滑，蒸既时间把握得好好，加埋蒸鱼豉油已经好好食啦。榄角骨口味酸甜，口感微微焦脆，都好唔错。