BEP Vietnamese Kitchen 越灶 (已結業)

收工同朋友嚟K11 Musea行下顺便食晚饭，见到呢间越南餐厅座无虚席就试下佢啦。菜式选择都算多，有串爆，沙律，米纸卷，汤粉汤檬捞檬，啲汤檬主打都系牛肉做配料，有个河内蕃茄蟹檬，听落好正就同朋友叫咗2碗。汤头好出色，好好饮，配料有扎肉，虾丸，蟹(脚)半份，炒蛋，但略嫌蟹肉有啲啲霉，但整体都好出色。椰青蒸蚬，开头食唔出有椰青味，但摊冻少少就食到椰青嘅清甜，有少少辣。鸡肉串烧肉质好嫩，味道同烧牛肉米纸卷一样，正常水准。叫咗杯热情果沙冰同特浓手摇咖啡，咖啡唔错，唔太甜。