更多
2022-05-22
382 浏览
红磡出名多美食😆😆今日经过呢间四哥车仔面,见佢除左车仔面仲有海南鸡,就入黎试下😎😎唔坐低唔知,愈睇愈多野食,眼花撩乱😅老板娘话虫草花冬瓜炖鸭饭最正,重点推介🤩每日剩系卖两转,不过我地太晏,卖晒冇得试🙈最后嗌左星加坡肉骨茶配饭同秘制香辣汁捞粗面同半只海南鸡🤤老板娘劲好客🥰🥰不断同我地介绍,见男朋友食得辣,仲私人醒多兜车仔面嘅秘制辣汁比佢捞面食😆😆双重辣味,男朋友表示坚正,真心辣捞面劲大碗,劲足料,配埋个鸡汤🤤$45劲抵食,辣椒酱食得出自家制肉骨茶系药膳味个种,大多数药膳味肉骨茶嘅肉都系好鞋,呢间做得好出色嘅系啲肉好嫩滑,软林林,啲软骨唔使好大力都咬到,仲有只蛋同埋豆卜,超级入味,一咬落去啲汁咇晒出嚟😻爆汁豆卜另外只海南鸡肉质好实,好有咬口,配菜青瓜丝同酸瓜丝都用米醋自己腌,唔使惊有防腐剂😆食完好开胃佢地仲有养生饮品可以拣😎五花茶同薏米水,我哋叫咗一杯薏米水同奶茶红豆冰🥰奶茶红豆冰茶味好浓,怕太甜嘅唔使惊,可以尽情饮😎下次揾日早啲嚟试埋个冬瓜炖鸭饭🥰
唔坐低唔知,愈睇愈多野食,眼花撩乱😅老板娘话虫草花冬瓜炖鸭饭最正,重点推介🤩每日剩系卖两转,不过我地太晏,卖晒冇得试🙈最后嗌左星加坡肉骨茶配饭同秘制香辣汁捞粗面同半只海南鸡🤤
老板娘劲好客🥰🥰不断同我地介绍,见男朋友食得辣,仲私人醒多兜车仔面嘅秘制辣汁比佢捞面食😆😆双重辣味,男朋友表示坚正,真心辣
捞面劲大碗,劲足料,配埋个鸡汤🤤$45劲抵食,辣椒酱食得出自家制
肉骨茶系药膳味个种,大多数药膳味肉骨茶嘅肉都系好鞋,呢间做得好出色嘅系啲肉好嫩滑,软林林,啲软骨唔使好大力都咬到,仲有只蛋同埋豆卜,超级入味,一咬落去啲汁咇晒出嚟😻爆汁豆卜
另外只海南鸡肉质好实,好有咬口,配菜青瓜丝同酸瓜丝都用米醋自己腌,唔使惊有防腐剂😆食完好开胃
佢地仲有养生饮品可以拣😎五花茶同薏米水,我哋叫咗一杯薏米水同奶茶红豆冰🥰
奶茶红豆冰茶味好浓,怕太甜嘅唔使惊,可以尽情饮😎
下次揾日早啲嚟试埋个冬瓜炖鸭饭🥰
张贴