十三少 (已結業)

今日约左妈妈lunch，佢超钟意食辣野所以带咗佢嚟十三少一试呢度嘅酸菜鱼😇餐厅嘅装修走中国风，里面有唔少沙发卡位非常宽敞舒适。值得一赞嘅系每位员工都好有礼貌感觉亲切，不停为我地加水😂👍🏻我地点左一个二人套餐: 📍前菜凉拌土豆丝🥔酸酸辣辣好开胃！酸中带点辣，辣中透著麻。📍椒麻皮蛋 - 系透明黄心溏心皮蛋！我从来未食过咁特别嘅皮蛋。皮蛋用醋同蒜蓉调味，作为前菜非常之开胃📍麻辣卤猪手 - 炆得超级入味而且炆得好腍，好耐冇食过咁好食嘅猪手每一啖都系香麻辛辣好过瘾！📍十三少酸菜鱼 - 用咗新鲜鱼汤去整，味道非常鲜甜。店员建议我地可以先品尝汤头。鱼肉系采用淡水芦鱼，每一片都非常嫩滑而且食落冇骨啖啖鱼肉！另外加入左莴笋、香菇、等嘅配菜索晒鱼汤嘅味道，辣味唔算浓不过麻味就十足。📍红糖糍粑 - 加钱点左呢个招牌甜点，口感好似食紧炸糯米糍😆 外脆内软，配埋黑糖酱汁好味到停唔到口，再饱都可以成碟食哂！