影片
更多
2021-08-19
1525 浏览
我不嬲都好钟意食星马菜，比较出名人气既都试过哂，有海鲜味重既喇沙、椰奶味重既喇沙、马来西亚既肉骨茶、新加坡既肉骨茶、打成CREAM既斑兰咖央多士等，今次知道长沙湾开左一间新既新加坡菜餐厅，于是即刻去试下。苏山鸡饭系一间今年4月开业既新加坡、马来西亚菜餐厅，系长沙湾元州街，元州街不嬲出名多野食，但就系无星马菜。餐厅主打平民高质星马菜，人气之选系海南鸡饭同白胡椒肉骨茶，呢度既鸡饭唔似坊间做法大煲，而系用4-5人份量电饭煲煮饭，令到每粒饭都可以吸收到鸡油同斑兰既香味，而且鸡既烹调方式系用上日本花菇、元贝同廿种香料入味。另外白胡椒肉骨茶系新加坡潮式既肉骨茶，以胡椒味为主而唔系药材味，汤头唔系又黑又浓，而系清淡易入口。另外鲜油咖央多士、星洲龙虾叻沙掺掺、狮城芽菜走地鸡饭、海鲜炒粿条都系最多人食既菜色。前后黎过两次，两次都系平日夜晚大概七点半，第一次系接近满座，而第二次就要等5分钟，入面长期都系好多人。餐厅门口写住一口回味鸡饭，装修似冰室，环境光猛新净，入面唔算好大，不过坐得都舒服。睇过餐牌，首先有晚餐精选，都系一个主食配一个份量小啲既小食或者主打，可以加配小食同饮品，另一个主餐牌有炒类好似炒粿条
苏山鸡饭系一间今年4月开业既新加坡、马来西亚菜餐厅，系长沙湾元州街，元州街不嬲出名多野食，但就系无星马菜。餐厅主打平民高质星马菜，人气之选系海南鸡饭同白胡椒肉骨茶，呢度既鸡饭唔似坊间做法大煲，而系用4-5人份量电饭煲煮饭，令到每粒饭都可以吸收到鸡油同斑兰既香味，而且鸡既烹调方式系用上日本花菇、元贝同廿种香料入味。另外白胡椒肉骨茶系新加坡潮式既肉骨茶，以胡椒味为主而唔系药材味，汤头唔系又黑又浓，而系清淡易入口。另外鲜油咖央多士、星洲龙虾叻沙掺掺、狮城芽菜走地鸡饭、海鲜炒粿条都系最多人食既菜色。
前后黎过两次，两次都系平日夜晚大概七点半，第一次系接近满座，而第二次就要等5分钟，入面长期都系好多人。餐厅门口写住一口回味鸡饭，装修似冰室，环境光猛新净，入面唔算好大，不过坐得都舒服。
睇过餐牌，首先有晚餐精选，都系一个主食配一个份量小啲既小食或者主打，可以加配小食同饮品，另一个主餐牌有炒类好似炒粿条，蔬果类有炒通菜、芽菜等，小食有鲜油咖央多士、小喇沙、鸡汤、咩都有既小食拼盘等，推介有肉骨茶、猪手饭、咖啡室牛筋腩饭等，汤类有喇沙同肉骨茶汤米粉等，当然唔小得招牌既鸡饭，最后系饮品。呢度系QR code落单，上菜速度几， 5分钟到就有得食。
-
🥤 恐龙美禄 💰9（👅: 7.5/10）
恐龙美禄
$9
36 浏览
1 赞好
0 留言
-
☕ 超冰冻椰青 💰25（👅: 7.5/10）
超冰冻椰青
$25
27 浏览
1 赞好
0 留言
-
1️⃣ 星洲龙虾叻沙掺掺 💰98（👅: 7.5 /10）
星洲龙虾叻沙掺掺
$98
134 浏览
1 赞好
0 留言
配料仲有豆卜、鱼片、鱼蛋，豆卜将喇沙嘅精华都索晒入去，够晒入味，鱼蛋弹牙鲜嫩，食落都好惹味，成个夜晚套餐几抵食，连埋个咖央多士，食落满足。
-
🥪 配鲜油咖央多士 💰0（👅: 8/10）
鲜油咖央多士
35 浏览
1 赞好
0 留言
-
2️⃣ 狮城芽菜走地鸡饭 💰85（👅: 8/10）
狮城芽菜走地鸡饭
$85
26 浏览
2 赞好
0 留言
走地鸡去晒骨，咬落非常滑溜，系好嫩既白肉，肉质结实有弹性，食落有鸡味，就算系鸡胸位食落都唔会柴，脂肪唔多，而鸡皮咬落系爽脆唔油腻，唔钟意食鸡皮都可以一试，加上姜蓉、辣椒酱同豉油既3种酱汁，食落更加惹味，份量几多，送饭一流。
鸡油饭会先炒香再煮，所以会比平时既深色，食起黎味道够香，粒粒充满油香，仲多左啲焦香味，仲会有好小既姜味，而且呢度系可以加饭，估唔到油饭都出色。
-
🫕 配轻怡新加坡白胡椒肉骨茶 💰0（👅: 7.5/10）
轻怡新加坡白胡椒肉骨茶
45 浏览
1 赞好
0 留言
饮落好明显无药材既苦味，而系饮到白胡椒味，但胡椒味唔会太重而太辣，香味为主，饮落清新开胃，如果唔钟意药材味既人就岩哂，香港人应该会岩白胡椒肉骨茶多啲，配料有豆卜同肉骨，肉骨用上排骨，肉咬落实在，炆得够入味，令汤添加左肉味，豆卜大两片，将白胡椒味精华浓缩哂。
-
3️⃣ 特色小食拼 💰78（👅: 7.5/10）
特色小食拼
$78
31 浏览
1 赞好
0 留言
顺化猪肉串最好食惊喜，外衣爽脆，带小小嚼劲，入面口感扎实，食落去系满猪肉汁，够入味，咸香味重，食落唔油。
鱼饼食落有啖啖鱼香味，带少少冬荫公既辣味。
炸鸡翼算大只，食落算外脆肉嫩，不过比较干身。
凤尾虾春卷皮够薄身，外层系用方包包住，几香口，摆左一阵咬落都系脆身，食到虾肉同蔬菜粒，口感有层次。
-
🌟整体黎讲系间几抵食既星加坡菜餐厅，晚餐套餐可以一次过试到餐厅既招牌主食同小食，两个人黎食基本上最人气既菜色都可以试哂，当中最钟意既系鸡饭，鸡够滑，系中上水平既鸡饭，而鲜油咖央多士，而鲜油咖央多士牛油够大旧够满足，鸡饭我觉得比喇沙更出色，如果你钟意食鸡饭咁呢间值得一试。
价钱平民，唔系好大食其实晚餐套餐加个饮品大概100就有交易，系长沙湾呢一区系好合理既价钱，成日系附近既人可以一试。-
👅味道: 8/10
🍴环境: 7/10
💰消费: $295 (服务费: NA)
张贴
