蠔站 (荃新天地)

营业中

休息中

放假夜晚又要谂食咩啦！个人又懒，唔想去得远，但系又想食好d，咁就揾下openrice啦！见到楼下有间西餐厅几出名下，又有10蚊1只蚝，咁就落去试下啦！落到餐厅客人都唔系好多，餐厅装修几靓，但系冷气就唔系好够啦！应该系坏左啦！因为餐厅本身都安排左坐地风机帮手。咁我地睇完menu之后两个人就点左以下菜式啦！首先头盘系一打生蚝先，生蚝本身都唔系好大只，但系就同期望差唔多啦！始终都系10蚊只，大家系唔可以太高期望呀！咁就试下先，海水味好重，肉都系鲜甜嘅，店员洗蚝都算系洗得干净，唔会好多蚝壳系度，肉就有部分多啦！如果唔够喉其实系可以出去蚝吧自选呀！跟住就到主菜啦！我地就选择左蒜香烧美国猪肋骨，好大盘，猪助骨皮脆，而焗嘅时间刚刚好，肉质唔会系太韧，而且好香猪味。我地都好满意，伴碟有翠肉瓜，菇粒及薯角，都好满足，薯角新炸，够脆。最后就系冬阴公海鲜扁意粉，味道有惊喜，配料充足，有蓝青口，蚬肉，虾肉及其他配料，另外意粉份量充足，够饱，不过食到尾可能就挂左太多汁之后就开始咸啦！不过整体来讲都系好味！会再帮衬。