阿里山 (逸酒店) (已結業)

屋企人好钟意食古早味蛋糕，而见阿里山好出名，所以就买咗两种口味同屋企人share食😝。阿里山同沧浪亭好近，都系系芜湖街，系黄埔站行5分钟左右就到。四重芝士 ($85)因为之前上网见到佢嘅芝士🧀味好吸引，咁啱又有出炉，所以二话不说就拣咗佢。四重芝士包括巴马臣芝士、车打芝士、芝士粉同莫蕯里芝士😻，绝对啱晒钟意食芝士嘅家姐。蛋糕面铺满咗即刨芝士，充满咸香。蛋糕入面就有唔少芝士，佢唔系就咁铺一层系中间，而系系蛋糕中穿插，每食一啖都可能会发现芝士山窿😂🧀。蛋糕口感松软，亦富有蛋味，成个芝士蛋糕都好出色。西班牙橙粒朱古力 ($100)呢款蛋糕定价比较贵，到底佢好唔好食呢？！蛋糕表面洒满橙粒🍊同朱古力粒粒🍫，仲有朱古力拉花，个样真系好吸引。蛋糕朱古力味浓厚，同芝士蛋糕一样咁松软。而内层除咗有一层厚厚嘅流心朱古力底，仲会有唔少朱古力山窿🍫🤤，足料。可能因为天气冻，流心朱古力凝固咗，变成一层香浓朱古力夹心，超正🤩。另外，蛋糕内亦有橙粒夹杂，带点甜甜酸酸，同朱古力好配，成个蛋糕绝对唔会太甜或腻，反而系吸引我愈食愈多😋。总括嚟讲，呢两款蛋糕都好出色又足料，比平时嘅芝士味、朱古力味特别👍🏻。店员亦好友善咁介绍