泉記 (已結業)

同老公去打波之前, 去医咗个肚先, 天气热, 老公冇咩胃口, 而我心情依然沉重, 胃口一般, 所以打算去食碗粉算数. 经过泉记, 老公话未试过, 佢又钟意食鱼旦, 所以去试吓啰!因为我哋六点几去到, 所以唔驶等位, 我叫咗紫菜河, 老公叫咗鱼旦河, 两碗都要多葱. 之前食评中我已提及食河粉三大原则: 一、河粉要薄身及完整, 唔好碎湿湿. 二、汤头要够浓. 三、碗粉要够热. 泉记就正正做得好啦! 碗河粉嚟到出晒烟, 啖汤好浓, 紫菜好多又冇沙, 河粉够薄但又唔碎湿湿, 食到最尾唔会俾河粉索晒啲汤, 正! 而老公就最欣赏佢o既辣椒油, 够香够辣, 老公本身食得好辣架! 见佢食到出晒汗就知啲辣油真系劲啦! 佢话啲辣油简直系成碗鱼旦河o既灵魂, 所以佢对泉记赞口不绝.其实可以简简单单同自己钟意o既人一齐, 就算食河粉都系好幸福架!