源味開元米線 (已結業)

今晚去左长沙湾睇牙，睇之前食定野，求其喺附近揾下有咩食，竟然揾到间新开嘅米线舖。佢晚市做紧烤鱼餐，但我地时间有限，就食米线算。环境劲干净。汤底一定要试牛骨汤，够浓味！我地分别拣左红薯粉同手工面，好特别～食落唔似有味精，加左劲多𩠌，最好味莫过于猪红，手工牛丸都正！另外仲试左好多小食，必试源味口水鸡，鸡质滑而且辣。夫妻肺片就够哂入味，都系好辣的。而皮蛋都好食！而卤水猪耳同牛柏叶就唔辣嘅，好好味。川百凉粉本身无味，靠个辣汁先好食。而擂椒茄子系激辣，完全食唔到～但味道好香。