御品千の味刺身壽司專門店 (海寶花園) (已結業)

堂食渐变成奢侈活动。坐好后，店员派发每人一个存放口罩纸信封，同埋自助落单QR Code，呢个自助落单安排真心赞，希望疫情过后会继续咁做。落好单，即用枱面支酒精搓手液清洁，安心等食。大包围点咗三个炸点加三个定食。炸南瓜、炸番薯、炸鱿鱼一律唔油腻，冇炸到干争争，亦冇过咸。鱿鱼唔系橡筋咁韧，入口大细切得啱啱好，大人细路都咬得开。蟹肉丼系迷你版，但配埋跟餐刺身寿司系够饱架。蟹肉可口，刺身新鲜，略嫌碗饭唔够热，只系微暖。寿司主要用火炙处理，食材比寿司乌冬定食的高级。寿司乌冬定食，正正常常咁喇，用昆布豉油配食寿司，味道唔错。饭脚将照烧鸡扒定食只温泉蛋拌均热饭，睇住澎湃的蛋黄汁染黄白饭，竟然有种治疗感。鸡扒嘛，呈现打风后的混乱状态，可以再煎老啲，达至皮脆肉略焦的效果会更理想。