影片
更多
2015-05-12
1087 浏览
每年一到五月饭局特别多，感谢一众亲朋好友为我庆生，将我既行程表排得满满。今年打头阵既系同旧同事去食放题，大家都系九龙区工作，所以旺角永远系首选地区，自私d谂仲要近我翻屋企，哈哈！！记得兆万中心有好多唔同既选择，即上Openrice 揾揾真系有成十个间，见到八幡屋既评价都唔差，就佢啦。7:30入座，$198一位，每位加$40可以upgrade menu有多几款刺身，羊架等，我就当然要升级啦！一开始就点晒升级menu入面既野，油甘鱼刺身，肉质肥美，甘香。珍宝带子刺身，唔系好大粒，不过都好鲜甜。赤虾刺身，好大只，鲜甜味美，生蚝，唔系连壳供应，但蚝味浓郁，又creamy。火灸柚子和牛寿司，柚子汁好醒胃，和牛肉好嫩，入口即溶，正。烧味淋河豚干，烧到好香，河豚干，咬落甜甜地，送酒一流。仲要呢到系冷气清酒，啤酒任饮。所以呢个河豚干真系唔可以错过。咁当然，唔饮酒都可以选择汽水，冰红茶，石榴汁等。前菜方面都有5个选择，当中蟹籽沙律，感觉十分清新，爽脆既青瓜丝配上甘香又脆口既蟹籽，层次分明，非常醒胃。除左，升级刺身外，普通刺身既选择都有十二款，经常都食到既三文鱼，呑拿鱼，都好肥美，而八爪鱼，希灵鱼，荣螺片
今年打头阵既系同旧同事去食放题，大家都系九龙区工作，所以旺角永远系首选地区，自私d谂仲要近我翻屋企，哈哈！！记得兆万中心有好多唔同既选择，即上Openrice 揾揾真系有成十个间，见到八幡屋既评价都唔差，就佢啦。7:30入座，$198一位，每位加$40可以upgrade menu有多几款刺身，羊架等，我就当然要升级啦！
一开始就点晒升级menu入面既野，油甘鱼刺身，肉质肥美，甘香。珍宝带子刺身，唔系好大粒，不过都好鲜甜。赤虾刺身，好大只，鲜甜味美，生蚝，唔系连壳供应，但蚝味浓郁，又creamy。火灸柚子和牛寿司，柚子汁好醒胃，和牛肉好嫩，入口即溶，正。
烧味淋河豚干，烧到好香，河豚干，咬落甜甜地，送酒一流。仲要呢到系冷气清酒，啤酒任饮。所以呢个河豚干真系唔可以错过。咁当然，唔饮酒都可以选择汽水，冰红茶，石榴汁等。
前菜方面都有5个选择，当中蟹籽沙律，感觉十分清新，爽脆既青瓜丝配上甘香又脆口既蟹籽，层次分明，非常醒胃。除左，升级刺身外，普通刺身既选择都有十二款，经常都食到既三文鱼，呑拿鱼，都好肥美，而八爪鱼，希灵鱼，荣螺片，马刀贝，饱片都好新鲜。仲有好小见既剑鱼腩，好肥美，鱼油甘香。虾都有两款，包括：有头甜虾同虎虾刺身，一般市面上供应既甜虾都系无头，而且细细只，但呢到个个除左有头，身型仲大一倍，滋味亦多一倍呢！另外，虎虾刺身仲配左个酸汁，虽然唔系平时食开既泰式酸汁，但都好开胃。
寿司方面呢到做到几好，暖暖既饭，带有微微醋香，加上新鲜配料，真系超赞。开始点菜无耐，店员送上一碟外貌精致既寿司；五行寿司听讲系每枱只会送一碟，五种唔同味道既寿司，每件都很精巧细致，卖相一流，而且非常特别，如果可以任食，就好啦。
除左传统既寿司，其实都仲有d几创新，好似黑松露油甘鱼，蜜糖酱鱿鱼，韩风汁帆立贝等，既创新又美味。款款都各有特色。手卷方面，海胆、三文鱼个d当然唔小得，仲有蜜桃加州卷，蜜桃香甜，既醒胃，又提升口感。泡菜牛肉卷，泡菜微辣，非常惹味。吉列芝士虾卷，软棉棉既芝士配上香脆吉列虾，层次分明。
即叫即炸既炸物，我每次都会食既炸芝士年糕，外层唔会好油，一咬落去芝士流出，赞！炸鸡软骨粒，佢系一碗碗咁供应，炸得好香脆。日本蕃薯天妇罗，因为系现炸，所以好脆，外层既粉又唔会好多，蕃薯好甜。
烧物有11个选择，盐烧牛舌，烧得好香，但系好细块，虎虾虾肉鲜甜。秋葵，我第一次食烧秋葵，原来都几鲜甜，叫左几转黎食。鲭鱼既鱼皮烧得好脆，鱼肉都仲好嫩。烧汁帆立贝，细细粒咁，但系唔会烧到好干，所以还可以啦。
日本料理有饭，面，锅物，炒菜等，我试左两个锅物其中番茄三文鱼头锅，个汤底好「杰」仲有d酸，三文鱼件得两件比较少。另外，日式牛肉锅，虽然卖相唔系好靓，但系牛肉好嫩，菜都煮得好入味。
甜品都有7-8款，荔枝雪米糍，绿茶雪米糍，都系一般玩成包装个d，相比之下有个富士萍果一口大福就好味得多，有萍果的果肉，清甜带微酸。餐厅环境唔算太大，出餐出得好快，无漏单。位置又方便。
张贴
