銘興山西刀削麵 (民泰街)

营业中

休息中

呢间小店经常大排长龙，主打多款特色刀削面，有汤面、热拌同凉拌面，按个人喜好拣配料、面底同辣度，除此之外更有小食同特饮供应，价格亲民，地点方便，试试无妨。刀削面口感好弹牙而且好薄身，之前食过觉得冷拌最好味，尤其系天气热辣辣嘅时候，配搭青瓜丝、芝麻沙律酱、担担酱，味道香浓又惹味。汤面滑嘟嘟，热拌更Q弹，各有千秋。小食方面推介花雕醉鸡，酒香味超级突出，煮至入味，鸡肉嫩滑唔嚡口、猪软骨，牛筋腩啖啖肉好足料、鸡翼同春卷炸至金黄酥脆、仲有新出嘅包皮豆腐都值得一试。