影片
更多
2020-06-25
46 浏览
大角咀一向多野食，最近发现又有新铺开张，系间食刀削面嘅铺。因为新开，所以人流都几多，餐厅环境都唔错灯光柔和，不过始终地方唔系好大，人多嘅话都要搭台坐。餐牌选择非常多，有面有饭，而且啲𩠌仲好多配搭。不过黎得依度我谂应该大部分人都系想食面，面有分为热拌、冷拌、汤，就算唔想食刀削面都可以拣其他米线、米粉、红薯粉，同埋全部都仲可以再拣辣度，岩哂我依啲唔食辣嘅人。另外，仲包埋一杯热饮，真系几抵食，台面侧边亦有腌萝卜小菜可以任食。我试左麻辣金沙骨刀削面(走辣) + 热鸳鸯 ($43)。金沙骨有三条食落啖啖肉，其实如果麻辣嘅话佢啲辣酱系加喺啲𩠌度，不过因为我走辣，所以就变左系普通炸金沙骨，无咩酱或者汁。刀削面黎讲分量好多，而且食落口感唔错，啲面煮得岩岩好，有啲烟韧。另外仲叫左个热拌猪排刀削面走辣($49)。热拌会有青瓜丝、麻酱同埋担担酱。一上碟啲麻酱睇落都几多下，足够捞哂成兜面，每条面都挂到啲汁，不过其实食落又会唔觉得麻酱味太重，岩我个人口味，而且担担酱亦都唔会好辣。猪排分量都好多，佢系有炸过但食落又唔会觉得过于热气。以面黎讲我个人中意热拌多过汤，我觉得热拌嘅面质系硬身啲，更有咬口。落单嘅时候都听到
我试左麻辣金沙骨刀削面(走辣) + 热鸳鸯 ($43)。金沙骨有三条食落啖啖肉，其实如果麻辣嘅话佢啲辣酱系加喺啲𩠌度，不过因为我走辣，所以就变左系普通炸金沙骨，无咩酱或者汁。刀削面黎讲分量好多，而且食落口感唔错，啲面煮得岩岩好，有啲烟韧。
另外仲叫左个热拌猪排刀削面走辣($49)。热拌会有青瓜丝、麻酱同埋担担酱。一上碟啲麻酱睇落都几多下，足够捞哂成兜面，每条面都挂到啲汁，不过其实食落又会唔觉得麻酱味太重，岩我个人口味，而且担担酱亦都唔会好辣。猪排分量都好多，佢系有炸过但食落又唔会觉得过于热气。以面黎讲我个人中意热拌多过汤，我觉得热拌嘅面质系硬身啲，更有咬口。落单嘅时候都听到侍应讲如果叫冷拌，面会比较硬，睇大家中唔中意啦，我都听到有其他客人要求煮淋少少。
不过饮品方面，我觉得鸳鸯嘅咖啡味比较重，反而唔系好饮得出茶味。佢饮品选择都几多，除左一般奶茶咖啡外，仲有柚子蜜、菜蜜、杏仁霜等等，热饮都唔洗再加钱。
我觉得依个价钱绝对抵食，无论系面定𩠌分量都好多，食完一定够饱，cp值咁高唔怪得咁多人光顾。我一个礼拜已经食左两次，之后应该都会成日黎。
张贴
