影片
更多
2021-12-26
1421 浏览
太大棚人嘅家族饭，晌呢两年都无出席过，最多只喺啲4人饭聚，自己本身就唔喺太怕病毒，只喺尽量减少群聚嘅社交接触。冬至翌日晚，都有出嚟食吓饭，只喺跟啲旧同事聚一众。难得咁耐先见一次，所以，大家都想食好啲，拣咗嚟「金燕岛」食潮州菜，话晒佢都喺米芝莲推介嘛，专做传统潮州菜。我自己亦好耐无食潮州菜喇，数番对上一次，已经喺年初嘅事，仲要喺外卖嚟。虽然，今次都喺第一次嚟「金燕岛」，但事前都上上网睇过，佢都已经有好多年历史，而内里嘅装修都喺旧派一啲，但就感觉古雅，又有好多富中国风嘅艺术摆设，客人都多数喺上年纪嘅，包括我哋，哈哈！但唔好理，确有唔少捧场客啫。枱上已放好所有餐具、口罩袋，公筷亦会列明，但唔惯用公筷嘅人往往食食吓就乱晒，整体呢度嘅招呼几好，啲店员亦好勤快。咸酸菜 $25 食潮州菜，餐前小食大多数都喺咸酸菜或者脆花生。小弟细细个时穷，当然，依家都只喺小康，就试过加咸酸菜加碗潮州粥，就当一餐。 此外，仲会先黎细细杯既功夫茶品尝吓。为咗好睇，都唔会净喺上两杯俾你，俾就俾一小盘6杯，人少咪饮多杯啰，功夫茶色泽橙黄清澈、味道醇厚甘凉。另外开咗壶铁观音，茗茶就每位收$20。黄金炸双枣 $200双枣即喺虾
虽然，今次都喺第一次嚟「金燕岛」，但事前都上上网睇过，佢都已经有好多年历史，而内里嘅装修都喺旧派一啲，但就感觉古雅，又有好多富中国风嘅艺术摆设，客人都多数喺上年纪嘅，包括我哋，哈哈！但唔好理，确有唔少捧场客啫。
枱上已放好所有餐具、口罩袋，公筷亦会列明，但唔惯用公筷嘅人往往食食吓就乱晒，整体呢度嘅招呼几好，啲店员亦好勤快。
咸酸菜 $25 食潮州菜，餐前小食大多数都喺咸酸菜或者脆花生。小弟细细个时穷，当然，依家都只喺小康，就试过加咸酸菜加碗潮州粥，就当一餐。 此外，仲会先黎细细杯既功夫茶品尝吓。为咗好睇，都唔会净喺上两杯俾你，俾就俾一小盘6杯，人少咪饮多杯啰，功夫茶色泽橙黄清澈、味道醇厚甘凉。另外开咗壶铁观音，茗茶就每位收$20。
黄金炸双枣 $200双枣即喺虾丸及蟹丸，由于虾丸（圆形）以虾肉挞成虾胶做成，口感弹牙，满有虾味；而蟹丸（方形）以蟹肉加生粉搓成，再以腐皮包住，所以，质感扎实啲，口感两者各有少少分别，唯一共通喺两者都炸得甘香可口，却唔油腻。 另一亮点喺配上两款蜜糖，深色嘅更带有柑桔味（友人话似「念慈庵」㖞），浅色嘅带有梅子香。
太极天河素 $50卖相好有亮点嘅一道汤羹，因为绿白两色做成太极阴阳图案，颇为吸晴。绿色喺菠菜蓉加入高汤，白色喺鸡肉末加入高汤，各有各试都嗒得出喺唔同味道，而再将两者混和，又别具滋味，味道非常鲜甜，口感极之绵滑。
太极天河素
$50
52 浏览
0 赞好
0 留言
是晚嘅主角登场，咪以为泰式先有明炉乌头，潮州菜一样有，以明火烘住，就唔会咁易变腥，可以慢慢食，而乌头肉质嫩滑，唔会有泥味，加入梅子去煮，酸香醒胃，有种越食越开胃嘅感觉；再者，内里仲混有好多配料：猪肉碎、唐芹、大葱、咸菜、蕃茄，十分丰富，记得个汤都唔好嘥，可以饮埋去。
鱼蛋煮绍菜 $180潮州鱼蛋一向有名气，做得好嘅鱼蛋唔喺度度都有，「金燕岛」嘅鱼蛋、炸鱼片都喺自家手打，而且，做得特别大粒，入口果然爽弹，鱼味浓郁；此外，绍菜亦好有惊喜，绍菜一向都喺平价菜，但食落十分清甜，我哋就觉得喺以上汤去煮，索晒味，所以，份外鲜甜。
黄金炸油粿 $60有别炸油角，炸油粿就比较软身，有少少似煎堆，口感绵糯烟韧，仲有，层外皮唔知喺咪加埋南瓜蓉或蕃薯蓉之类，带少少香甜味，内里喺芝麻同花生馅，喺几好食。潮州菜临尾往往再上多一次功夫茶，啱晒啦，因为功夫茶有健脾开胃、解酒除腻之效。
几个旧同事聚一聚，食餐好嘅，倾咗好多近况之余，又回味咗唔少开心往事，但愿大家身体健康，长食长有，期待下次再聚，又再分甘同味。
张贴
