肯德基家鄉雞 (KFC)

营业中

休息中

作为一间以炸鸡做主题嘅连锁式快餐店，肯德基家乡鸡向来都系几独巿。其实佢地既炸鸡唔系难食，不过系咪间间好食就好睇彩数。今日我就唔系咁好彩。叫左个餐，啲鸡油到一个点。好少可会目测到可流动的油迹系炸鸡上。蘑菇饭本身都唔会太难食，但唔知点解个饭底太软，软到好似烂饭咁，而蘑菇汁亦都多到差啲满泻，搞到个饭就更加软。其实每次遇到呢啲情况，都会概叹点解香港嘅餐厅会咁。因为做又三十六唔做又三十六？点解唔可以敬业啲，好好处理食物系对自己、对食物同对人嘅尊重。虽然个好难食，我都有食晒，无做大嘥鬼。