酥妃皇后 (蘇杭街)

营业中

休息中

仲好记得之前酥妃皇后喺九龙城开嘅时候 好多网媒报章杂志都系度宣传佢嘅酥皮 𠮶阵我都有趁热闹咁去咗九龙城食 上次食完觉得真系好好食所以今次经过上环见到原来附近都有一间所以就专登行咗过去 一去到门口见到店员喺度放紧啲鲜奶挞上去个货架度 望落去好似系新鲜出炉𠮶种感觉咁 所以就决定咗今次要试依个鲜奶挞 店员会问你系喺度食定攞走 如果你系喺度食嘅话佢就会俾啲个木盆你 攞走的话呢就会系比一个纸袋你装住今次一攞上手已经感觉佢系冻嘅 唔系话冻嘅挞唔好食 但系新鲜出炉嘅真系会好好多 今次其实比上次失望左 因为佢完全唔好食 首先鲜奶挞嘅鲜奶味唔足够 而且酥皮都唔系好够酥 已经冇咗上次𠮶种好厚酥皮嘅感觉 唔知系咪因为分店嘅问题 所以下一次我都系唔会喺上环呢边食☹️☹️☹️