新記 (康麗花園)

营业中

休息中

新记鸡粥开到去屯门 分店水准keep到食开元朗新记，同另一半嚟巴伦纽睇戏，见到呢到都有间新记，开头仲以为唔系同一间，但见到贵妃鸡粥menu就认得啦，装修好新好靓，同埋d姐姐服务都好好。由于我想食贵妃鸡粥、鱿鱼酥同煎肠粉，我伴侣就想食小菜，佢就叫咗咕噜肉同椒盐猪扒，一间餐厅，不同风格都有得提供，真系有惊喜！分店嚟讲，佢嘅贵妃鸡粥、鱿鱼酥同煎肠粉味道系一模一样，鸡肉一样好入味同嫩滑，粥煲得好绵好滑，水准keep到，鱿鱼酥大大碟，外脆而不过火，煎肠粉香口耐上麻酱，无得顶！咕噜肉同猪扒一上枱，哗左声，呢个价钱嚟讲，居然有咁大碟！而且味道够，有火侯，无得输啦，叫埋两杯冻奶茶同冻柠茶，一绝！唔好以为开分店就会唔同味，老板系好野，睇得出系好用心经营，抵佢分店愈开愈多，作为元朗老顾客都无失望。