頑固壽司 (已結業)

去日本旅行都有食过哩间寿司，觉得唔错，估唔到最近都系香港开左分店，当然黎再朝圣下，师傅都系由日本人主理。寿司12贯定食($288)，有十二款寿司，唔使讲最吸引当然系大拖罗，颜色呈嫩粉红色，油脂味浓入口即溶，其他鱼生都好新鲜爽口，鳗鱼烧到岩岩好表面有少少焦香，个酱汁亦够味，玉子烧卖相特别，似海绵蛋糕。海鲜丼定食($198)，共7款食物，鱼生切得好大片而且好肥美，绝对足料，海胆幼滑鲜甜，我觉得蒸蛋虽然系配角，但都一样不容忽视，蒸蛋嫩滑，味道唔会太过淡或太浓味。