蒙麵車仔麵 (已搬遷) 新店位置

行完街，见肚饿，所以就求其咁入咗去。廿蚊有三𩠌面拣，都唔错㖞，最后拣咗...油面 + 唐生菜 + 猪红 + 鱼片头 + 招牌辣汁都有好几年冇食过油面，啲油面整得好好食，唔会过『淋』鱼片头都几好，厚厚地，有咬口。猪红OK, 唔算差。唐生菜得几条仔，后尾至知原来我果份已经系最后咖喇，唔怪之得啦。招牌辣汁对于我呢个咁食得辣嘅人嚟讲，真系唔算好辣啰。不过冇所谓啦，食少啲辣，咪当生少两粒暗疮啰... 其实我觉得成碗车仔面个分量少咗啲，食完之后都觉得个胃仲有大量空位。如果分量可以多番少少，我唔介意俾多几蚊咖！虽然成碗面未至于好出色，但其实都唔系其他朋友仔讲得咁差啫！有下次嘅...