十二味 (裕民坊YM²)

营业中

休息中

麻辣香锅系我以前系美国就超级钟意食既麻辣菜式之一。最近发现香港越黎越多，而且quality都好高，所以今次就去左裕民坊既【十二味】试下。佢地用QR code落单，食物选择唔系算太多，但都系非常经典既麻辣菜式。比如酸菜鱼、水煮牛肉等等。我一心想食麻辣香锅就叫左自选麻辣香锅。佢地既菜全部都系big size，两个人叫一份其实都好够，加多个饭，或者再加个甜品就好够。 自选麻辣香锅 Base经典香辣锅 中辣：个base个人觉得你本身正常食得辣（姐系大概谭仔1-3小辣左右），其实大辣都ok。因为第一次食，所以先叫左中辣，其实唔算太辣，但偏咸。所以一定要配饭！ 鸡软骨：以呢个价钱分量算好多，肉骨比例不错，脆口！ 莲藕片：爽脆入味，好有咬口! 土豆片：略嫌土豆片偏软，个人比较钟意食爽脆D既。 木耳：无另外D食材禁入味，但如果觉得偏咸，其实都可以balance返。而且好爽口 宽粉：分量比较少，好吸味，但吸油都好劲 另外饮品叫左加多宝 环境会比较窄同好热，我觉得始终食辣野，冷气要够先好。有D似想快D赶人走禁，呢part有待改善！