潮龍園

营业中

休息中

今日放工突然间好想食牛腩河，路过荃湾就紧系要食潮龙园上一次朋友推荐我黎堂食觉得味道好好，汤又好浓，牛腩分量又足！今次由于夜晚无得堂食，都担心外卖质量会有所下降首先我叫左一个45蚊既崩沙腩河粉，由于外卖同埋行番屋企路程都要10分钟，所以要求分汤(+2蚊）番到屋企一打开觉得牛腩分量都好足，同埋汤底都好浓，不过就无堂食咁热等我将D汤加入个河粉度就开餐，牛腩依然保留到堂食水准，肥瘦适中，又好重牛味，又唔会太硬或者太林。岩岩好！汤底就好浓郁，我就咁饮左啖都觉得几好饮!如果系荃湾又想食牛腩河绝对要试下呢间不过唯一缺点就系夜晚外卖自取等左20分钟，可能人手不足同埋太多单既原因