La Brezza Cafe (已結業)

同好友睇完戏，就去左大坑tea一tea。见呢间舖门面四正，环境几靓、又有feel，就入去叫左两set下午茶share嚟食。是日homemade-cake原来系柚子芝士慕士蛋糕，上枱时，个卖相超靓，足见厨师的心思。不过，一吃，吓﹗冇味，完全好似食咁松弛驰的泡沬。件饼完全无柚子味或芝士味，饼底太湿全无口感可言，小妹怀疑系件饼摆放太耐所致﹗一客三件的芝士蘑菇焗多士叫叫即做，新鲜热辣惹味脆口清新抵食，比佢十个赞﹗多士焗得香脆可口，上层铺满焗到香喷喷的香浓芝士和鲜嫩蘑菇，再洒上香草碎，配合鲜甜爽口的沙律菜，简直系绝配，又可减油腻感。餐饮分别叫左桃茶(Twinings茶包)同茉莉花茶(陆羽茶包)。好友「用心」研究茶包牌子后，望著我偷笑了一下。唉，系这类cafe，餐茶我哋都唔预店家会用靓嘢，但所谓「宁比人知，莫比人见嘛﹗」