東南亞料理研究所 (已結業)

想食呢间餐厅嘅原因系出于对店名嘅好奇🤣呢度主打东南亚Fusion菜，见Menu好多菜式都新奇好玩，首先要赞一赞佢地嘅服务，店员非常有礼貌，而纵使水樽已经放咗喺枱面，但店员都经常主动帮忙加水，俾到一个好好嘅第一印象。🍹泰式奶茶沙冰$38有泰式奶茶嘅标准甜度，当沙冰开始融甜度会变返比较适中，比起就咁饮泰式奶茶相对轻盈。🥗扎肉米纸沙律配米通、醋渍冬菇、甜酒松露汁$38同我想像中嘅米纸有啲唔同😂呢个米纸质感似糯米糍皮，配上扎肉、沙律菜、米通、冬菇等一齐食口感有趣，而整体味道比较清淡。🥢帆立贝蟹籽莴笋柚子酱油捞幼檬粉$68做法接近韩式水冷面，过了冷河嘅幼檬粉口感更为爽弹，配上柚子酱油极为开胃，天气热嘅时候食呢个会非常舒服。🍞班兰蜜糖厚多士配椰子雪糕$78厚多士炸得金黄酥脆，配上清新嘅班兰蜜糖减轻左油腻感，而椰子雪糕都唔马虎，椰香味浓亦食到一丝丝椰肉，用多士蘸上半溶嘅雪糕，一冷一热，双重享受。