走肉蔬食研究所 (已結業)

今日行完市集，就去左商场入面嘅一间素食餐厅晚餐，因为唔想成日食肉。餐厅装修偏向校园风，空间感够大，采用自助服务形式，所以免收加一服务费。.餐点都好有创意，竟然有铁板餐、煲仔饭之类。而今次我地就食左两款新推出嘅母亲节走肉菜式，味道唔错，而且够晒健康。.无可能系黄金素球选用Impossible植物肉加上豆腐煮成。植物肉含动物肉营养，而且不含动物激素、抗生素等，非常健康。外皮炸得好酥脆，入边口感软滑，唔讲都唔知系素肉；再点埋个甜酸酱，几醒胃。.片皮鸭配薄饼杂菜卖相真系好靓，好colorful。食落嘅味道同真嘅片皮鸭都好似，再配上青瓜丝，萝卜丝，洋葱丝、青瓜丝，非常健康，食多几件都唔怕。.另外，白饭和是日糖水:椰汁芋头西米露都是任装，还有自助沙律吧。自助沙律吧分别有：粟米、蕃茄仔、沙律菜、薯仔沙律、麻辣青瓜、麻辣红薯粉、青红萝卜丝、红腰豆。我最钟意食薯仔沙律，都忍唔住食左几转。.饮品叫咗菠萝梳打冰和荔枝梳打冰，两杯饮品入边都有好多生果，够晒清凉解渴。