功夫點心 (已結業)

今日中午我们去咗「功夫点心」喺中港城店食午饭！我们叫咗凤凰煎糯米鸡、功夫笋尖虾饺皇、鲜虾菜苗饺、马来沙嗲蒸凤爪同远年陈皮牛肉球！凤凰煎糯米鸡系即叫即煎，表面煎得非常金黄香脆，糯米亦非常香脆烟韧，层次感十足！不愧系创意招牌同最受欢迎嘅点心！亦都系本人嘅必食推介！功夫笋尖虾饺皇嘅虾肉非常新鲜弹牙同好大只，虾饺皮相当烟韧弹牙！鲜虾菜苗饺嘅饺皮非常晶莹剔透，可以清清楚楚睇到虾仁同菜苗，真系好足料同口感十足！马来沙嗲蒸凤爪系用沙嗲夹埋豆豉同椒丝嚟蒸，味道好特别同比较偏浓！远年陈皮牛肉球嘅味道不过不失！